Wednesday, May 29, 2013

നിനക്ക് ...!!!

നിനക്ക് ...!!!    
.  
എന്റെ അരഞ്ഞാണം   
അഴിച്ചെടുത്തു   
നിനക്ക് ചാർത്താം ...!  
.  
അതിലെ   
ഓരോ നൂലിഴകളും   
പിരിച്ചെടുത്ത്‌   
ഞാൻ നിന്റെ   
നാണം മറയ്ക്കാം ...!  
.  
അതിനു ശേഷം   
നിനക്ക് ഞാനെന്റെ   
ഗന്ധം തരാം ...!  
.  
നുരയുന്ന   
മസ്തിഷ്ക്കത്തിൽ   
നിറച്ചു വെച്ച്   
തീകായാൻ ....!  
.  
നിനക്ക് നിന്നെ   
നഷ്ട്ടപെടുമ്പോൾ   
നിനക്ക് തന്നെ   
ഉപയോഗിക്കാൻ ....!  
.  
പിന്നെ നീ   
കാത്തിരിക്കുക .....!!!  
.  
സുരേഷ്കുമാർ പുഞ്ചയിൽ   

Tuesday, May 28, 2013

വായന ...!!!

വായന ...!!!  
.
വാക്കുകൾ കൊണ്ട് 
അക്ഷരങ്ങൾ
കൂട്ടി ചേർക്കുമ്പോൾ
വാചകങ്ങളിൽ
അക്കങ്ങൾക്കെന്തു   സ്ഥാനം ...???
.
സുരേഷ്കുമാർ  പുഞ്ചയിൽ 

Thursday, May 16, 2013

പിഴ ...!!!


പിഴ ...!!!    
.  
പിഴ    
എനിക്കും    
നിങ്ങൾക്കും ...!  
.  
പിഴയ്ക്കപെടുന്നവരുടെയും    
പിഴപ്പിക്കുന്നവരുടെയും    
മദ്ധ്യത്തിൽ    
പിഴ ....!  
.  
പിഴ    
അവർക്കും    
നിങ്ങൾക്കും  കൂടിയും ....!!!  
.  
സുരേഷ്കുമാർ  പുഞ്ചയിൽ    

Wednesday, May 15, 2013

യാത്ര ...!!!


യാത്ര ...!!!      
.  
തുഴ പുറകിലേക്ക് എറിയുമ്പോൾ    
വള്ളം മുന്നോട്ട്‌ , മുന്നോട്ട് ....!  
.  
തുഴയാതെ നിന്നാലും    
തുഴയില്ലാതെ നിന്നാലും    
വള്ളം പിന്നെയും മുന്നോട്ട്  ...!!!  
.  
സുരേഷ്കുമാർ  പുഞ്ചയിൽ    

Tuesday, May 14, 2013

മരം ...!!!


മരം ...!!!    
.  
മുള  പൊട്ടുമ്പോൾ   
താഴേയ്ക്ക് വേര് ..!  
.  
അതൊരു  
തായ് വേരായും   
പാഴ് വേരായും ...!!  
.  
പടർന്നു  കയറുമ്പോൾ   
താഴേക്ക് ഒരു ചില്ല   
അതൊരു വേരായും   
വരമ്പായും   
ചിലപ്പോളൊരു   
താങ്ങ് തടിയായും ....!!!  
.  
 സുരേഷ്കുമാർ പുഞ്ചയിൽ   

Monday, May 13, 2013

ഞാൻ ....!!!


ഞാൻ ....!!!    
.
മുന്നിലും   പിന്നിലും   
ഞാൻ മാത്രമായാൽ   
പിന്നെ എന്തിനു   
മറ്റൊരാളെ  തിരയണം ...???  
.  
സുരേഷ്കുമാർ പുഞ്ചയിൽ   

Sunday, May 12, 2013

ദൂരം ...!!!


ദൂരം ...!!!  
.  
വട്ടത്തിൽ നടന്നാലും  
നീളത്തിൽ നടന്നാലും  
ചുറ്റി നടന്നാലും  
നേരെ നടന്നാലും  
എത്തേണ്ട ദൂരം  
ഒന്ന് തന്നെ.  
.  
അപ്പോൾ പിന്നെ  
വേഗത്തിൽ .നടന്നാലോ ..???  
.  
സുരേഷ്കുമാർ  പുഞ്ചയിൽ  

Wednesday, May 8, 2013

കണക്ക് .....!!!


കണക്ക്  .....!!!    
.  
ഒരു കുടം  കൊണ്ട്   
എനിക്ക് മുന്നിലെ   
ഈ കടലുമുഴുവനും   
ഞാൻ   
അളന്നെടുക്കാൻ തുടങ്ങുന്നു !  
.  
അളക്കുമ്പോൾ   
കുടത്തിന്റെ കണക്ക്‌   
കൈവിരളിലും   
പോരാത്തത്   
കാൽ വിരലിലും   
ഞാൻ എണ്ണം പിടിക്കാം ...!  
.  
പക്ഷെ അതും കഴിഞ്ഞാൽ ...???  
.  
സുരേഷ്കുമാർ  പുഞ്ചയിൽ   

Tuesday, May 7, 2013

കവാടം ...!!!


കവാടം ...!!!  
.
പുറത്തു നിന്നും 
കടക്കുന്നത്‌
അകത്തേയ്ക്കോ
പുറത്തേയ്ക്ക് തന്നെയോ
അല്ലെങ്കിൽ
പിന്നെ എങ്ങോട്ട് ...???
.
സുരേഷ്കുമാർ  പുഞ്ചയിൽ

Monday, May 6, 2013

മുഖം മൂടികൾ ...!!!


മുഖം മൂടികൾ ...!!!  
.
രൂപമില്ലാതെ 
ചായമില്ലാതെ
ഛായില്ലാതെ    
മുഖം തന്നെയില്ലാതെ
എന്തിനു മുഖം മൂടികൾ ...!!!
.
സുരേഷ്കുമാർ  പുഞ്ചയിൽ

Saturday, May 4, 2013

പീഡനം ...!!!


പീഡനം ...!!!  
.
ഞാൻ എന്റെ അമ്മയെ 
കെട്ടിപ്പിടിച്ചു കിടന്നുറങ്ങാറുണ്ട്
എന്റെ മകളെ നെഞ്ചിൽ കിടത്തി
താരാട്ട് പാടി ഉറക്കാറുണ്ട് ...!
.
എന്റെ പെങ്ങന്മാരുടെ കൂടെ
 ഞാൻ കളിച്ചുല്ലസിക്കാറുണ്ട്
എന്റെ കൂട്ടുകാരികളുടെ കൂടെ
ഞാൻ കറങ്ങി നടക്കാറുണ്ട് ...!
.
എന്നിട്ടും ഇതുവരെയും
 ഇവരെ ആരെയും
ഞാൻ പീഡിപ്പിച്ചിട്ടില്ല എന്നാണു 
എന്റെയും അവരുടെയും വിശ്വാസം ......!
.
ഇനിയൊരുപക്ഷേ 
ഞാൻ ഒരു മനുഷ്യനല്ലായിരിക്കുമോ 
അങ്ങിനെ സംഭവിക്കാൻ ...??? 
.
സുരേഷ്കുമാർ പുഞ്ചയിൽ 

പിൻവിളികൾ ...!!!

പിൻവിളികൾ ...!!! . അവർ മൂന്നുപേർ ഒന്നിനുമേലെ ഒന്നായി ഒന്നിന് പുറകെ ഒന്നായി ...! . ഒന്നാമന് പിന്നിൽ രണ്ടുപേർ മൂന്നാമന് മുന്നിൽ രണ്ടുപേ...