Friday, January 31, 2014

ഒഴിവുള്ള പകുതി ...!!!

ഒഴിവുള്ള പകുതി ...!!!  
.
പളുങ്കു പാത്രത്തിന്റെ
ഒഴിയുന്ന പകുതിയിൽ
നിന്നുമാണ്
രാത്രി തുടങ്ങുന്നതെന്ന്
ആരോ പറയുമായിരുന്നു ...!
.
എന്നിട്ടും
പിന്നിടുന്ന പകലിനെ
അതേ പളുങ്കു പാത്രത്തിന്റെ
ബാക്കി പകുതിയിലേക്ക്
പകർതിവെക്കാൻ
എന്തേ കഴിയുന്നില്ല ...???
.
സുരേഷ്കുമാർ   പുഞ്ചയിൽ  

Monday, January 27, 2014

ചിന്തകളുടെ ഭാരം ..!!!

ചിന്തകളുടെ ഭാരം ..!!!    
.  
ചിന്തകളുടെ ഭാരം    
അത്    
ചുമക്കുന്നവന്റെ    
ഭാരത്തേക്കാൾ  വരുന്നത്    
ചിന്തകൾക്ക്    
ഭാരം    
ഇല്ലാതാകുമ്പോഴാണ്  ...!  
.  
ചിന്തകൾക്ക്    
ഭാരം    
ഇല്ലാതാകണമെങ്കിൽ    
പക്ഷെ    
അത്    
ചുമക്കാതെയുമിരിക്കണം ...!   
.  
ചിന്തകളുടെ ഭാരം    
സുഖകരമാകുന്ന അവസ്ഥ    
ആ ചിന്തകൾ     
സുഖകരമാകുന്നതുപോലെയാകുമ്പോൾ    
അസുഖകരമായ ചിന്തകൾ    
ചുമക്കുന്നവനെക്കാൾ    
ഭാരമുള്ളതുമാകുന്നു ....!!!  
.  
 സുരേഷ്കുമാർ പുഞ്ചയിൽ    

Sunday, January 26, 2014

എന്നിൽ നിന്നും ...!!!

എന്നിൽ നിന്നും ...!!!  
.   
എന്നിൽ നിന്ന്  
നമ്മളിലേക്കുള്ള  
ദൂരം  
അനന്യമാണ് ....!  
.  
അതൊരുപക്ഷെ  
ശൂന്യമാകാം  
അല്ലെങ്കിൽ  
അനന്തവും ...!  
.  
ഞാൻ  
എന്റെ വീട്  
എന്റെ ഗ്രാമം  
എന്റെ ലോകം  
എന്റെ ചിന്തകൾ ...!  
.  
പക്ഷെ ,  
എന്നിൽ നിന്നും  
നിങ്ങളിലൂടെ വേണം  
എനിക്ക്  
നമ്മളിൽ എത്തുവാൻ ...!  
.  
അതുപോലെ,  
എന്റെ വീട്ടിൽ  നിന്നും  
എന്റെ ഗ്രാമത്തിലേക്കും  
ഗ്രാമത്തിൽനിന്ന്  
എന്റെ രാജ്യത്തിലേക്കും  
ഇനിയെത്ര ദൂരം ...???  
.  
സുരേഷ്കുമാർ  പുഞ്ചയിൽ  

Monday, January 20, 2014

സത്യം ...!!!

സത്യം ...!!!  
പ്രതിബിംബതിന്  
രൂപത്തേക്കാൾ  
സാദൃശ്യം  
നിഴലിനോടാണെങ്കിൽ  
രൂപമോ  
നിഴലോ 
പ്രതിബിംബമോ  
സത്യം ...???? 
സുരേഷ്കുമാർ   പുഞ്ചയിൽ  

Sunday, January 19, 2014

ആത്മാവ് ...!!!

ആത്മാവ് ...!!!  

ഓരോ  
മരണത്തിന്   
ശേഷവും  
ജനനത്തിന്   
മുൻപും  
ആത്മാവ്  
എന്ത് ചെയ്യും ... ??? 

സുരേഷ്കുമാർ  പുഞ്ചയിൽ  

Monday, January 13, 2014

ചൂല് ....!

ചൂല് ....!  
.  
അഴുക്ക്  
അടിച്ചുവാരാൻ  
ചൂല് ...!  
.  
ശുദ്ധി  
ആഗ്രഹിക്കുന്നവരെല്ലാം  
ചൂലെടുക്കുന്നു,  
തന്നിലെയും  
മറ്റുള്ളവരിലെയും  
ആഴുക്കായ അഴുക്കെല്ലാം  
തൂത്തുവാരാൻ തുടങ്ങുന്നു    ..!  
.  
ഇനി  
എല്ലാവരും കൂടി  
അടിച്ചുവാരിയെടുക്കുന്ന  
ഈ അഴുക്കെല്ലാം  
എന്ത് ചെയ്യും ...???  
.  
സുരേഷ്കുമാർ  പുഞ്ചയിൽ  

Sunday, January 12, 2014

അറിവ് ...!!!

അറിവ് ...!!!    
.
അറിയാത്ത കാര്യങ്ങൾ  
അറിവുള്ളവരോട്  
ചോദിച്ച് അറിയുന്നതും  
അറിവുള്ളവർ മാത്രം ...!!!
.
സുരേഷ്കുമാർ  പുഞ്ചയിൽ  

ജീവിക്കാൻ ...!!!

ജീവിക്കാൻ ...!!!    
.  
കൊല്ലാൻ   
ഇറങ്ങുന്നവർ   
മരിക്കാൻ കൂടി   
തയ്യാറാകുമ്പോൾ   
ജീവിക്കേണ്ടവർ   
എന്ത് ചെയ്യും ...???  
.    
സുരേഷ്കുമാർ  പുഞ്ചയിൽ   

Monday, January 6, 2014

അടയാളങ്ങൾ ...!!!

അടയാളങ്ങൾ ...!!!    
.
പിന്നിടുന്ന  
വഴികളിൽ
സ്വയം  
കാൽപ്പാടുകൾ  
അടയാളപ്പെടുത്താൻ  
കഴിയുന്നത്‌  
പുണ്യം ...!
.
അടയാളപ്പെടുത്തുന്ന  
കാൽപ്പാടുകൾക്ക്  മേലെ  
മറ്റ് അടയാളങ്ങൾ  
രേഖപ്പെടുതപ്പെടുന്നത്  
നിയോഗം ...!
.
മറ്റ് അടയാളങ്ങൾക്ക്  
മേലെയും  
നമ്മുടെ കാൽപ്പാടുകൾ  
തെളിഞ്ഞു നിൽക്കുന്നത്  
ചരിത്രം ...!
.
സുരേഷ്കുമാർ  പുഞ്ചയിൽ  

പശു ഒരു ഉപകരണവുമാകുമ്പോൾ ...!!!

പശു ഒരു ഉപകരണവുമാകുമ്പോൾ ...!!! . പശു ഒരു ഉപകരണവുമാണ് വിഡ്ഢികളാക്കപ്പെടുന്ന ഒരു ജനതയ്ക്കുമേൽ ഭിന്നിപ്പിന്റെ കൗശലത്തോടെ ബുദ്ധിമാന്മാരു...