Friday, March 2, 2012

ഭാര്യയെ സ്നേഹിക്കുന്ന ഭര്‍ത്താവ് ....!!!

ഭാര്യയെ സ്നേഹിക്കുന്ന ഭര്‍ത്താവ് ....!!!

ഒരിക്കല്‍ പോലും ഒരു പരിഭവവും പറയാത്ത അയാളെ ഞങ്ങള്‍ക്ക് എല്ലാവര്‍ക്കും ഒരുപാട് ഇഷ്ട്ടം ആയിരുന്നു. ഒരു പ്രശ്നത്തില്‍ ഒപ്പം നില്‍ക്കാന്‍ മാത്രം ആത്മ വിശ്വാസം ഇല്ലായ്മ മാത്രമായിരുന്നു അയാളില്‍ ഞങ്ങള്‍ കണ്ട ആകെയുള്ള ഒരു കുറവ്. അല്ലെങ്കില്‍ ഏതു വിധത്തിലും എപ്പോഴും ഞങ്ങളെ എന്തിനും സഹായിക്കാന്‍ അയാള്‍ ഞങ്ങളുടെ കൂടെ ഉണ്ടായിരുന്നു.

കാലത്ത് എഴുന്നേല്‍ക്കുന്നത്‌ മുതല്‍ രാത്രി കിടക്കുന്നത് വരെ ഓരോ മണിക്കൂറിലും അയാള്‍ ഭാര്യയെ വിളിക്കുമായിരുന്നു എന്നതാണ് അയാളുടെ പ്രത്യേകത. എപ്പോഴും എന്തിനും മോളെ മോളെ എന്ന് ഒരു പ്രത്യേക താളത്തില്‍ നീട്ടി വിളിച്ചുകൊണ്ട് ഓരോ ചെറിയ കാര്യങ്ങള്‍ പോലും പ്രത്യേകം പ്രത്യേകമായി അയാള്‍ ഭാര്യയെ അറിയിക്കുമായിരുന്നു.

ഇത്രയധികം ഫോണ്‍ ചെയ്യാന്‍ മാത്രം അയാളുടെ ഫോണ്‍ ഒരു അതിശയ ഫോണ്‍ ആണെന്നും അല്ലെങ്കില്‍ ടെലിഫോണ്‍ എക്സ്ചേഞ്ച് അയാള്‍ക്ക്‌ സ്ത്രീധനം കിട്ടിയതാണെന്നും ഒക്കെ ഞങ്ങള്‍ കളി പറയുമായിരുന്നു. കാരണം, അത്രയധികം വിളിക്കുമെങ്കിലും, അതിനും മാത്രമൊന്നും അയാള്‍ റീ ചാര്‍ജ് ചെയ്യുന്നത് ഞങ്ങള്‍ കാണാറില്ലായിരുന്നു.

കാലത്ത് വസ്ത്രം മാറുന്നത് തൊട്ട് കാപ്പി കുടിക്കുന്നതും, പ്രഭാത ഭക്ഷണം കഴിക്കുന്നതും, ഉച്ച ഭക്ഷണം കഴിക്കുന്നതും, കുളിക്കുന്നതും, മുടി ചീകുന്നതും, എന്തിനു കക്കൂസില്‍ പോകുന്നത് വരെ അയാള്‍ ഭാര്യയെ വിളിച്ചു പറയുമായിരുന്നു. ഇതിനെല്ലാം ഭാര്യയുടെ അനുവാതവും വാങ്ങുന്നത് കാണുമ്പോള്‍ ഞങ്ങള്‍ക്ക് തന്നെ നടക്കേട്‌ ആകാറുണ്ടായിരുന്നു.

ഞങ്ങള്‍ ഓരോരുത്തരും മാറിമാറി കളിയാക്കിയിട്ടും, മറ്റുള്ളവരുടെ മുന്നില്‍ വെച്ച് നാണം കെടുത്തിയിട്ട്‌ പോലും ഒരിക്കല്‍ പോലും അയാള്‍ ഞങ്ങളോട് ദേഷ്യപ്പെടുകയോ പരിഭവപ്പെടുകയോ ചെയ്തിട്ടില്ല. ഇത്രയൊക്കെ പറഞ്ഞിട്ടും അയാള്‍ ചെയ്യുന്നതില്‍ നിന്നും ഒരിക്കലും അയാള്‍ പിന്മാറിയിട്ടും ഇല്ലായിരുന്നു.

ഞങ്ങളുടെ മുന്നില്‍ വെച്ച് തന്നെയാണ് സംസാരിക്കുക എങ്കിലും ഒരിക്കലും ഇങ്ങോട്ടുള്ള സംസാരം ഞങ്ങള്‍ കേള്‍ക്കാതിരിക്കാന്‍ അയാള്‍ പ്രത്യേകം ശ്രദ്ധിക്കുമായിരുന്നു. അതിനുള്ള ഒരകലം പാലിച്ചുകൊണ്ട്‌ മാത്രമേ അയാള്‍ എപ്പോഴും വിളിക്കാറുള്ളൂ . ചിരിച്ചുകൊണ്ടും, ചിലപ്പോള്‍ പരിഭവിച്ചുകൊണ്ടും ഏറെ സ്നേഹത്തോടെ, ഏറെ വാത്സല്യത്തോടെ സംസാരിക്കാറുള്ള അയാള്‍ ഒരിക്കലും ഭാര്യയോടു ദേഷ്യപ്പെടുന്നതോ, ശാസിക്കുന്നതോ ഞങ്ങള്‍ കണ്ടിട്ടേ ഇല്ല..

ഇത്രയും പ്രിയങ്കരിയായ, ആ ഭാര്യയെ ഒരിക്കലെങ്കിലും ഒന്ന് വിളിച്ചു സംസാരിക്കണമെന്ന് ഞങ്ങള്‍ തീരുമാനിക്കുക തന്നെ ചെയ്തത് അങ്ങിനെയാണ്.അയാളോട് പറഞ്ഞാല്‍ സമ്മധിക്കില്ല എന്നറിയാമായിരുന്നത് കൊണ്ട് മൂപ്പര്‍ അറിയാതെ അവരെ ഒന്ന് വിളിക്കാന്‍ തന്നെ ഞങ്ങള്‍ തീരുമാനിച്ചു. അതിനുള്ള അവസരം കാത്തിരിക്കുകയും ചെയ്തു. അങ്ങിനെയാണ് ഒരു പ്രധാന മീറ്റിങ്ങിനു അയാള്‍ മീറ്റിംഗ് റൂമിലേക്ക്‌ ഫോണ്‍ എടുക്കാതെ പോയ തക്കത്തിന് ഞങ്ങള്‍ അയാളുടെ ഫോണ്‍ എടുത്ത് വിളിക്കാന്‍ ശ്രമിച്ചതും.

വിളിച്ച കോളുകളിലും വന്ന കോളുകളിലും ഒക്കെ ഏറെ തിരഞ്ഞെങ്കിലും അയാളുടെ ഭാര്യയുടെത് എന്ന് തോന്നിക്കുന്ന ഒരു നമ്പരും ഞങ്ങള്‍ക്ക് അതില്‍ കിട്ടാതെ വന്നപ്പോള്‍ ഞങ്ങള്‍ ശരിക്കും നിരാശരായി. വിളിച്ച ഉടനെ നമ്പര്‍ മായ്ച്ചുകളയുകയായിരിക്കും അയാള്‍ എന്ന് കരുതി ഞങ്ങള്‍ വാശിയോടെ തന്നെ അടുത്ത അവസരത്തിനായി അന്വേഷണം തുടങ്ങി.

അങ്ങിനെയാണ് അയാളുടെ ഒരു അടുത്ത ബന്ധുവിനെ ഞങ്ങള്‍ കണ്ടെത്തിയത്. ആവേശത്തോടെ ആദ്യം തന്നെ അദ്ധെഹതോട് അയാളുടെ ഭാര്യ കുറിച്ച് ചോദിച്ചപ്പോള്‍ അയാള്‍ പറഞ്ഞ മറുപടി ഞങ്ങളെ മുഴുവനായും തളര്‍ത്തി കളഞ്ഞു. അഞ്ചു വര്‍ഷങ്ങള്‍ക്കു മുന്‍പ് അയാളോടൊപ്പം ഉണ്ടായ ഒരു അപകടത്തില്‍ അയാളുടെ ഭാര്യ മരിച്ചുപോയിരുന്നു. .....!!!

സുരേഷ്കുമാര്‍ പുഞ്ചയില്‍.

Thursday, March 1, 2012

നേര്‍ കാഴ്ച ...!!!

നേര്‍ കാഴ്ച ...!!!

കണ്ണുകള്‍ തുടങ്ങുന്നിടത്ത്
അവസാനിക്കുന്ന കാഴ്ച
സൃഷ്ട്ടിക്കുന്ന ബിംബങ്ങള്‍
കണ്ണിനും അപ്പുറത്തേക്ക്
മങ്ങാതെ നില്‍ക്കാന്‍ ആകാതെ വരുമ്പോള്‍
അവശേഷിക്കുന്ന കാഴ്ചയും, കണ്ണും
പിന്നെ അവതരിക്കപെടുന്ന
രൂപങ്ങള്‍ തന്നെയും എന്തിനു ...???

സുരേഷ് കുമാര്‍ പുഞ്ചയില്‍.

യാത്ര , സൂര്യനിലേക്കാവുമ്പോൾ ....!

യാത്ര , സൂര്യനിലേക്കാവുമ്പോൾ ....! . ഒരൽപം പൊള്ളിയാലും ഒന്ന് താമസിച്ചാലും യാത്ര സൂര്യനിലേക്കാവുമ്പോൾ അതുമൊരു ഗമതന്നെ . മുന്നൊരുക്കങ്ങളൊ...