Thursday, March 9, 2017

കൊല്ലണം, എനിക്കെന്റെ പെണ്മക്കളെ ...!!!

കൊല്ലണം, എനിക്കെന്റെ പെണ്മക്കളെ ...!!!
.
പൂട്ടിയിടാൻ
അവർ അടിമകളല്ല
തുറന്നു വിടാൻ
അവർ പറക്കമുറ്റിയ പക്ഷികളും ....!
.
എന്റെ മാറാപ്പിനേക്കാൾ
വലുതായതിനാൽ
എപ്പോഴും
തോളിലേറ്റി നടക്കാൻ വയ്യെനിക്ക്
അന്നന്നത്തെ
അന്നതിനായലയേണ്ടതിനാൽ
അവരുടെ കൂടെയിരുന്ന്
നോക്കാനും സമയമില്ല ...!
.
വന്ദ്യരെ വന്ധ്യംകരിക്കാൻ
പ്രാപ്തിയില്ലെനിക്ക്
മാദ്ധ്യമങ്ങളെ വിലയ്‌ക്കെടുക്കാൻ
ശക്തനുമല്ല ഞാൻ
അധികാരികളെ സ്വാധീനിക്കാൻ
പണവുമില്ലെന്റെ കയ്യിൽ ...!
.
വിശ്വസിച്ചേൽപ്പിക്കാൻ
ആരുമില്ലാത്ത എനിക്കിപ്പോൾ
പേടിയാണ്
ഈ എന്നെത്തന്നേയും ...!
.
അതുകൊണ്ട്
മറ്റുള്ളവരാൽ നിർദ്ദാക്ഷിണ്യം
പിച്ചിച്ചീന്തപ്പെടും മുൻപേ
കൊന്നൊടുക്കാം
ഞാനെന്റെ പെണ്മക്കളെ ...!
.
ഈ മനോഹര ഭൂമിയിൽ
പിറക്കും മുന്പെയോ
പിറന്നയുടനെയോ
സ്നേഹത്തോടെ
വേദനിപ്പിക്കാതെ ....!!!
.
സുരേഷ്‌കുമാർ പുഞ്ചയിൽ

4 comments:

Sivananda S said...

aakulathakal kondoru aakaasha gopuram...:(

Sivananda S said...

ആകുലതകള്‍ കൊണ്ടൊരു ആകാശഗോപുരം...

ഓരോ അച്ഛനും ഓരോ അമ്മയും നോവുന്നു...

Cv Thankappan said...

നിസ്സഹായന്‍റെ നിലവിളികള്‍....

Areekkodan | അരീക്കോടന്‍ said...

ങേ!!!

വിളവെടുപ്പിന് ...???

വിളവെടുപ്പിന് ...??? . വിതയ്ക്കലായിരുന്നു എല്ലാവരും ....! . പാടത്തും , പറമ്പിലും , മുറ്റത്തും, ഇറയത്തും , തട്ടിന്മേലും ....! . എന...