വിധി ...!!!

വിധി ...!!!
.
വലിയ കാട്
നിറഞ്ഞ പ്രജകൾ
പ്രതാപത്തോടെ രാജാവ് ...!
.
കൊടുങ്കാറ്റും പേമാരിയും .....
ആറുനിറഞ്ഞ് , കാട് നിറഞ്ഞ് ,
ഗുഹകളും മരങ്ങളും മൂടി പ്രളയ ജലം ...!
.
ജലത്താൽ അപഹരിക്കപ്പെട്ട്
കുടുംബവും കൂട്ടും ..!
.
പ്രാണൻ, തന്റെ രക്ഷതേടി ഓടിക്കയറ്റിയത് മാമരക്കൊമ്പിൽ
മരക്കൊമ്പിന് രാജാവിനെ താങ്ങാനുള്ള ശേഷിയില്ലാതെയോ
രാജാവിന് മരക്കൊമ്പിൽ കയറുള്ള യോഗ്യതയില്ലാതെയോ ?
മരക്കൊമ്പൊടിഞ്ഞ് രാജാവ് താഴെ ...!
.
മഴതോരാതെ , വെള്ളം കുറയാതെ ...!
.
ഒടുവിൽ
കരിമ്പാറക്കെട്ടിനു മുകളിലെ തുറന്നു വിശാലമായ രാജസിംഹാസനം
ആരെയും പേടിക്കാതെ ആകാശത്തിനു തൊട്ടു താഴെ ....!
.
കുത്തിനോവിക്കുന്ന തണുപ്പിൽ
കോരിച്ചൊരിയുന്ന മഴയിൽ
കൂടും കൂട്ടും കുടുംബവും നഷ്ടപ്പെട്ടതിന്റെ തീവ്രതയിൽ ...!
.
എന്നിട്ടും ഉയർത്തിതന്നെ വെക്കാനാഞ്ഞ തലയിൽത്തന്നെ
ആദ്യത്തെ വെള്ളിടിയും ,
ജീവനെത്തന്നെ കരിച്ചുണക്കിക്കൊണ്ട് ....!!!
.
സുരേഷ്‌കുമാർ പുഞ്ചയിൽ