Thursday, March 16, 2017

പഠിപ്പിക്കണം , " നോ" പറയാൻ ...!!

പഠിപ്പിക്കണം , " നോ" പറയാൻ ...!!
.
പഠിപ്പിക്കണം നാം നമ്മുടെ കുട്ടികളെ
മത പാഠങ്ങളോ , ജാതി ചിന്തകളോ
രാഷ്ട്രീയ ബോധമോ രാജ്യതന്ത്രമോ
കണക്കോ സയിൻസോ സാമൂഹ്യ പാഠമോ
ഭാഷകളോ കലയോ കച്ചവടമോ
കായികാഭ്യാസങ്ങളോ കരവിരുതോ
ഒന്നുമല്ലാതെ , വെറും നിസ്സാരമായ
ഒരു "നോ " പറയാൻ ...!
.
നിയമങ്ങളും കരുതലും
സുരക്ഷിതത്വവും പൗരബോധവും
വിദ്യാഭ്യാസ രീതികളും
സാമൂഹിക വ്യവസ്ഥകളും
ഒക്കെയും ഉണ്ടാക്കും മുൻപ്
പഠിപ്പിക്കണം നാം നമ്മുടെ കുട്ടികളെ
നിസ്സാരമായൊരു "നോ" പറയാൻ ....!
.
തങ്ങൾക്കിഷ്ടമില്ലാത്തതു ചെയ്യുമ്പോൾ
തങ്ങൾക്ക് അസ്വസ്ഥതയുണ്ടാകുമ്പോൾ
തങ്ങൾക്ക് ശരിയല്ലെന്ന് തോന്നുന്നത്
സംഭവിക്കുമ്പോൾ ഒക്കെയും
അതാരുതന്നെയായാലും അവരോടൊക്കെയും
ഉറച്ച ശബ്ദത്തിൽ കരുത്തോടെ
ഒരു " നോ " പറയാനാണ്
നമ്മളാദ്യം നമ്മുടെ കുട്ടികളെ പഠിപ്പിക്കേണ്ടത് ...!!!
.
സുരേഷ്‌കുമാർ പുഞ്ചയിൽ

2 comments:

Sivananda S said...

athe padippiykkanam..

Punaluran(പുനലൂരാൻ) said...

നല്ല ചിന്തകൾ.. ആശംസകൾ


പിന്നെയും പിന്നെയും , പടികൾ ...!!!

പിന്നെയും പിന്നെയും , പടികൾ ...!!! . പടികൾ ... പന്ത്രണ്ടായി തിരിഞ്ഞ് രണ്ടു ചുറ്റി നാലുവഴികളിലൂടെ മുകളിലേക്കും താഴേക്കും . മുകളിൽ ചെല്ലുമ...