ഹൃദയമുള്ളവരുടെ ഈ വലിയലോകത്ത്
ഹൃദയമില്ലാത്ത എനിക്കുവേണ്ടി
ഇന്നത്തെ ലോക ഹൃദയദിനം ....!

കിഴക്കുനിന്നും പടിഞ്ഞാട്ടേക്കും
പടിഞ്ഞാറുനിന്നും കിഴക്കോട്ടും
മാറി മാറി വീശുന്ന കാറ്റ്
തെക്ക് വടക്കായും
വടക്ക് പടിഞ്ഞാറായും
മാറി വീശുമെന്നും
ഞാന്‍ അറിയണമായിരുന്നു ...!!!

ആകാശം പോലെ
ജീവിതവും
കടല്‍ പോലെ
അനുഭവങ്ങളും
ഉണ്ടാ​യിട്ടും
ഞാന്‍ മാത്രമെന്തേ
ഇനിയും ഞാനാകാത്തത് .....!

കടലിനും അപ്പുറം കരയും
കരയ്ക്ക്‌ ശേഷം കടലും ....!
കടലിനും കരയ്ക്കും ഇടയില്‍ ...???

മുഖം നഷ്ട്ട പ്പെടുമ്പോള്‍
പുറകെ മനസ്സും ....!
മനസ്സും മുഖവുമില്ലാതെ
ശരീരം മാത്രമായി
പിന്നെ എന്ത് ജീവിതം ....!!!

ഹൃദയം പറയുന്നത്
പുഞ്ചിരിക്കാനാണ്
മനസ്സ് പറയുന്നത്
പൊട്ടിച്ചിരിക്കാനും
ഞാന്‍ എന്ത് ചെയ്യണം ?

സൂര്യനിലേക്കു എത്ര ദൂരമുണ്ടെന്നോ
ചന്ദ്രനില്‍ വെള്ളം ഉണ്ടോ എന്നോ
അമേരിക്കക്കാര്‍ ഇന്ന് എന്ത് കഴിചെന്നോ
എനിക്കറിയില്ല
എനിക്കുപക്ഷെ ആകെ അറിയാവുന്നത്
ഞാന്‍ സുരേഷ്കുമാര്‍ ആണെന്ന്മാത്രം .....!!!

കണ്ണാടിയില്‍
കണ്ടുമടുത്തത്
എന്‍റെ മുഖം
ഇനി
കാണാനുളളതും
എന്‍റെ മുഖം
എന്‍റെ മുഖത്തിനും
കണ്ണാടിക്കും ഇടയില്‍
ഇനി ....??