നാവ് ....!

നാവ് ....!    

.  

വാക്കുകൾക്കു   

രൂപമില്ലെങ്കിൽ   

സംസാരിക്കാൻ   

എന്തിനാണ്   

നാവ് ... ???  

.  

സുരേഷ്കുമാർ  പുഞ്ചയിൽ   

അച്ഛൻ ...!!!

അച്ഛൻ ...!!!    

.  

ഭൂമിയുടെ അധിപനായ   

സൂര്യനെ പോലെയാണ്   

എനിക്കെന്റെ അച്ഛൻ ...!  

.  

സൂര്യനില്ലെങ്കിൽ   

ഭൂമിയുമില്ലെന്ന പോലെ ...!!!  

.  

സുരേഷ്കുമാർ  പുഞ്ചയിൽ   

മദ്ധ്യേ ...!!!

മദ്ധ്യേ ...!!!  

.  

പകൽ  

തുടങ്ങുന്നത്  

ആകാശത്തിനും  

പർവതത്തിനും  

മദ്ധ്യേ ...!  

.  

പകൽ  

ഒടുങ്ങുന്നതും  

ആകാശത്തിനും  

പർവതത്തിനും  

മദ്ധ്യേ ...! 

.  

തുടക്കതിനും  

ഒടുക്കതിനും  

മദ്ധ്യേ  

സൂര്യൻ ...!!!  

.  

സുരേഷ്കുമാർ  പുഞ്ചയിൽ  

കാഴ്ച ...!

കാഴ്ച ...!

.

കാണാൻ 

ഒരു കണ്ണാടി 

ഇല്ലെങ്കിൽ 

പിന്നെ 

എന്തിനാണീ 

മുഖം ....!!!

.

സുരേഷ്കുമാർ  പുഞ്ചയിൽ

നന്മ ...!!!

നന്മ ...!!!  

.

നന്മയ്ക്കുള്ളിലും 

തിന്മയിരിയ്ക്കുമെങ്കിൽ

നന്മയെക്കാൾ നല്ലത്

തിന്മയല്ലെ ...???

.

സുരേഷ്കുമാർ  പുഞ്ചയിൽ

ഭയം ...!!!

ഭയം ...!!!    

. 

ഉറങ്ങാൻ  

എനിക്കിപ്പോൾ  

പേടിയാണ് ...! 

. 

ഒരു താങ്ങ്പോലും  ഇല്ലാതെ  

എന്റെ  

തലയ്ക്കു മുകളിൽ  

നിറഞ്ഞു നിൽക്കുന്ന   

ആകാശമെങ്ങാനും  

പൊട്ടിയെന്റെ  

ദേഹത്ത് വീണാലോ ...??? 

. 

സുരേഷ്കുമാർ  പുഞ്ചയിൽ  

പകരം ...!!!

പകരം ...!!!  

. 

പകരത്തിന്  

പകരമായാൽ  

പകരമാകുമോ ...??? 

. 

സുരേഷ്കുമാർ  പുഞ്ചയിൽ  

താഴ്ചകൾ ...!!!

താഴ്ചകൾ ...!!!  

.

പടികൾ  

കയറിപോകുന്നത്  

ഉയരത്തിലേക്ക്  

എന്നപോലെ  

ഇറങ്ങിപോകാൻ  

ആഴങ്ങളിലേക്കും  

പടികൾ ഉണ്ടെന്നും  

ഉയരങ്ങളിലെയ്ക്കെന്ന പോലെ  

ആഴങ്ങളിലെയ്ക്കും  

ഉന്നതികൾ ഉണ്ടെന്നും  

ഞാൻ  

അറിയാതെ പോകുന്നതെന്തേ ....!!!

.

 സുരേഷ്കുമാർ പുഞ്ചയിൽ  

നിഴൽ ....!!!

നിഴൽ ....!!!    

.  

പിന്നിൽ വെളിച്ചം വരുമ്പോൾ    

എന്റെ നിഴൽ എനിക്ക് മുന്നിൽ    

മുന്നിൽ  വെളിച്ചം വരുമ്പോൾ    

നിഴൽ എനിക്ക് പിന്നിൽ    

.  

പിന്നിലും മുന്നിലും    

മാറി മാറി  നില്ക്കുന്ന നിഴൽ    

എന്നിൽ വെളിച്ചം വീഴുമ്പോൾ    

എന്നിൽ തന്നെയുമാകുന്നു ....!  

.  

 സുരേഷ്കുമാർ  പുഞ്ചയിൽ    

ജീവിതം...!!!

ജീവിതം...!!!    

.

നീയില്ലെങ്കിലും  

ഞാൻ ജീവിക്കുമെന്ന്

നിന്നോട് ഞാൻ ...!

.

ഞാനില്ലെങ്കിലും  

നീ ജീവിക്കുമെന്ന്  

എന്നോട് നീയും ...!

.

ഞാനും നീയുമില്ലെങ്കിൽ  

പിന്നെന്തു ജീവിതം ...???

.

സുരേഷ്കുമാർ  പുഞ്ചയിൽ  

നില നിൽപ് ...!

നില നിൽപ്  ...!  

.

നില്ക്കാൻ കാലുണ്ടെങ്കിലും 

ചവിട്ടാൻ മണ്ണില്ലെങ്കിൽ

പിന്നെന്ത് പ്രയോജനം ...!!!

.

സുരേഷ്കുമാർ  പുഞ്ചയിൽ

പുലിയും മനുഷ്യനും തമ്മിൽ ...!!!

പുലിയും മനുഷ്യനും തമ്മിൽ ...!!!      

. 

രാത്രി കുറച്ചു വൈകിയാണ് അന്ന് ഞങ്ങൾ ഉറങ്ങാൻ കിടന്നത് .  അവധി ദിവസങ്ങളുടെ ആരംഭ നാളുകളിൽ എല്ലായ്പോഴും അങ്ങിനെയായിരുന്നു താനും.  വൈകീട്ട് എലാവരും കൂടി പുറത്തു പോയി, പറ്റിയാൽ പുറത്തു നിന്നും ഭക്ഷണവും കഴിഞ്ഞു തിരിച്ചെത്തി കുറച്ചു സമയം ഒന്നിച്ചിരുന്നു ടിവിയും കണ്ട് പിന്നെ  പലപ്പോഴും നന്നേ വൈകിയിട്ടുണ്ടാകും . 

. 

അന്നും അങ്ങിന കിടന്ന് , ഞാൻ പതിയെ ഉറക്കത്തിലേക്ക്‌ കടക്കുമ്പോഴാണ് മോൻ എന്നെ മെല്ലെ തോണ്ടി  വിളിക്കുന്നത്‌. .  ഈ പാതിരാത്രിയിൽ അവനെന്തു പട്ടി എന്നാ ഉത്കണ്ടയോടെ ഞാൻ എഴുന്നെല്ക്കവേ അവൻ പതിയെ എന്റെ കാതിൽ പറഞ്ഞു, അവനൊരു സംശയം ഉണ്ട് എന്ന്. 

. 

പാതി രാത്രിയിൽ ഉറക്കം കണ്ണുകളെ മൂടുമ്പോൾ ഇവനെന്ത് ആനക്കാര്യമാണ് സംശയിക്കാനുള്ളത് എന്ന  ആശ്ചര്യത്തോടെ ഞാൻ അവന്റെ അടുത്തേക്ക് നീങ്ങി കിടന്നു കൊണ്ട് അവനോട് ചോദിക്കാൻ പറഞ്ഞു . 

. 

വളരെ താത്പര്യത്തോടെ അവൻ ചോദിക്കാൻ തുടങ്ങി. ചീറ്റകൾ  എന്ന പുലി വർഗ്ഗം ഈ ഭൂമുഖത്ത്  നിന്നും തുടച്ചു നീക്കപെടാൻ പോകുന്നു എന്ന് അവൻ എവിടെയോ വായിച്ചത്രേ .അങ്ങിനെ ഓരോ  ജീവി വര്ഗ്ഗങ്ങളായി  തുടച്ചു നീക്കപ്പെട്ടാൽ പിന്നെ മനുഷ്യൻ എങ്ങിനെ ഈ ഭൂമിയില ജീവിക്കും . 

. 

അവന്റെ സംശയം ന്യായമാണെന്നും അതിന്  ഞാൻ മറുപടി പറയേണ്ടിയിരിക്കുന്നു എന്നും എനിക്കറിയാം .  പക്ഷെ എന്ത് പറയും.  ഞാൻ ഒന്ന് ആലോചിക്കവേ അവന്റെ ചോദ്യം കേട്ട് അപ്പോഴും ഉറങ്ങാതെ കിടക്കുന്ന മോളും അവളുടെ സംശയവും കൊണ്ട് എഴുന്നേറ്റു.  

. 

അവൾക്ക് അറിയേണ്ടത് പക്ഷെ ചീറ്റകൾ നശിച്ചു പോകുന്നത് എങ്ങിനെയാണ് മനുഷ്യനെ ബാധിക്കുക എന്നാണ് .  അവയും നമ്മളും തമ്മിൽ എന്ത് ബന്ധം എന്നാണു അവൾ ചോദിച്ചത് .  അവ കാട്ടിൽ  താമസിക്കുന്നു നമ്മൾ നാട്ടിലും.  രണ്ടു കൂട്ടരും പരസ്പരം കാണുന്നു പോലും ഇല്ല പിന്നെ എന്താണ് പ്രശ്നം . 

. 

ചോദ്യങ്ങളും സംശയങ്ങളും എല്ലാം ശരിയാണ് .  പക്ഷെ  ഞാൻ എന്ത് മറുപടി പറയും.  ...??? 

.  

സുരേഷ്കുമാർ  പുഞ്ചയിൽ  

പിതൃക്കൾ ....!!!

പിതൃക്കൾ ....!!!

.

എന്റെ പിതൃക്കളെ 

ഞാൻ തള്ളിയാൽ  

നാളെയൊരിക്കൽ

എന്നെ

എന്റെ മക്കളും

തള്ളുമെന്ന്

ഞാനെന്തേ

കാണാതെ പോകുന്നു ....!

.

എനിക്കും

വയസ്സാകുമെന്നും

എനിക്കും

എന്റെ മക്കളുടെ

സഹായം

തേടേണ്ടി വരുമെന്നും

ഞാനെന്തേ

ഓര്ക്കാതെ പോകുന്നു ...!!!

.

സുരേഷ്കുമാർ  പുഞ്ചയിൽ    

നിനക്ക് ...!!!

നിനക്ക് ...!!!    

.  

എന്റെ അരഞ്ഞാണം   

അഴിച്ചെടുത്തു   

നിനക്ക് ചാർത്താം ...!  

.  

അതിലെ   

ഓരോ നൂലിഴകളും   

പിരിച്ചെടുത്ത്‌   

ഞാൻ നിന്റെ   

നാണം മറയ്ക്കാം ...!  

.  

അതിനു ശേഷം   

നിനക്ക് ഞാനെന്റെ   

ഗന്ധം തരാം ...!  

.  

നുരയുന്ന   

മസ്തിഷ്ക്കത്തിൽ   

നിറച്ചു വെച്ച്   

തീകായാൻ ....!  

.  

നിനക്ക് നിന്നെ   

നഷ്ട്ടപെടുമ്പോൾ   

നിനക്ക് തന്നെ   

ഉപയോഗിക്കാൻ ....!  

.  

പിന്നെ നീ   

കാത്തിരിക്കുക .....!!!  

.  

സുരേഷ്കുമാർ പുഞ്ചയിൽ   

വായന ...!!!

വായന ...!!!  

.

വാക്കുകൾ കൊണ്ട് 

അക്ഷരങ്ങൾ

കൂട്ടി ചേർക്കുമ്പോൾ

വാചകങ്ങളിൽ

അക്കങ്ങൾക്കെന്തു   സ്ഥാനം ...???

.

സുരേഷ്കുമാർ  പുഞ്ചയിൽ 

പിഴ ...!!!

പിഴ ...!!!    

.  
പിഴ    

എനിക്കും    

നിങ്ങൾക്കും ...!  

.  

പിഴയ്ക്കപെടുന്നവരുടെയും    

പിഴപ്പിക്കുന്നവരുടെയും    

മദ്ധ്യത്തിൽ    

പിഴ ....!  

.  

പിഴ    

അവർക്കും    

നിങ്ങൾക്കും  കൂടിയും ....!!!  

.  

സുരേഷ്കുമാർ  പുഞ്ചയിൽ    

യാത്ര ...!!!

യാത്ര ...!!!      

.  
തുഴ പുറകിലേക്ക് എറിയുമ്പോൾ    

വള്ളം മുന്നോട്ട്‌ , മുന്നോട്ട് ....!  

.  

തുഴയാതെ നിന്നാലും    

തുഴയില്ലാതെ നിന്നാലും    

വള്ളം പിന്നെയും മുന്നോട്ട്  ...!!!  

.  

സുരേഷ്കുമാർ  പുഞ്ചയിൽ    

മരം ...!!!

മരം ...!!!    

.  

മുള  പൊട്ടുമ്പോൾ   

താഴേയ്ക്ക് വേര് ..!  

.  

അതൊരു  

തായ് വേരായും   

പാഴ് വേരായും ...!!  

.  

പടർന്നു  കയറുമ്പോൾ   

താഴേക്ക് ഒരു ചില്ല   

അതൊരു വേരായും   

വരമ്പായും   

ചിലപ്പോളൊരു   

താങ്ങ് തടിയായും ....!!!  

.  

 സുരേഷ്കുമാർ പുഞ്ചയിൽ   

ഞാൻ ....!!!

ഞാൻ ....!!!    

.
മുന്നിലും   പിന്നിലും   

ഞാൻ മാത്രമായാൽ   

പിന്നെ എന്തിനു   

മറ്റൊരാളെ  തിരയണം ...???  

.  

സുരേഷ്കുമാർ പുഞ്ചയിൽ   

ദൂരം ...!!!

ദൂരം ...!!!  

.  

വട്ടത്തിൽ നടന്നാലും  

നീളത്തിൽ നടന്നാലും  

ചുറ്റി നടന്നാലും  

നേരെ നടന്നാലും  

എത്തേണ്ട ദൂരം  

ഒന്ന് തന്നെ.  

.  

അപ്പോൾ പിന്നെ  

വേഗത്തിൽ .നടന്നാലോ ..???  

.  

സുരേഷ്കുമാർ  പുഞ്ചയിൽ  

കണക്ക് .....!!!

കണക്ക്  .....!!!    

.  
ഒരു കുടം  കൊണ്ട്   

എനിക്ക് മുന്നിലെ   

ഈ കടലുമുഴുവനും   

ഞാൻ   

അളന്നെടുക്കാൻ തുടങ്ങുന്നു !  

.  

അളക്കുമ്പോൾ   

കുടത്തിന്റെ കണക്ക്‌   

കൈവിരളിലും   

പോരാത്തത്   

കാൽ വിരലിലും   

ഞാൻ എണ്ണം പിടിക്കാം ...!  

.  

പക്ഷെ അതും കഴിഞ്ഞാൽ ...???  

.  

സുരേഷ്കുമാർ  പുഞ്ചയിൽ   

കവാടം ...!!!

കവാടം ...!!!  

.
പുറത്തു നിന്നും 

കടക്കുന്നത്‌

അകത്തേയ്ക്കോ

പുറത്തേയ്ക്ക് തന്നെയോ

അല്ലെങ്കിൽ

പിന്നെ എങ്ങോട്ട് ...???

.

സുരേഷ്കുമാർ  പുഞ്ചയിൽ

മുഖം മൂടികൾ ...!!!

മുഖം മൂടികൾ ...!!!  

.
രൂപമില്ലാതെ 

ചായമില്ലാതെ

ഛായയില്ലാതെ    

മുഖം തന്നെയില്ലാതെ

എന്തിനു മുഖം മൂടികൾ ...!!!

.

സുരേഷ്കുമാർ  പുഞ്ചയിൽ

പീഡനം ...!!!

പീഡനം ...!!!  

.
ഞാൻ എന്റെ അമ്മയെ 

കെട്ടിപ്പിടിച്ചു കിടന്നുറങ്ങാറുണ്ട്

എന്റെ മകളെ നെഞ്ചിൽ കിടത്തി

താരാട്ട് പാടി ഉറക്കാറുണ്ട് ...!

.

എന്റെ പെങ്ങന്മാരുടെ കൂടെ

 ഞാൻ കളിച്ചുല്ലസിക്കാറുണ്ട്

എന്റെ കൂട്ടുകാരികളുടെ കൂടെ

ഞാൻ കറങ്ങി നടക്കാറുണ്ട് ...!

.

എന്നിട്ടും ഇതുവരെയും

 ഇവരെ ആരെയും

ഞാൻ പീഡിപ്പിച്ചിട്ടില്ല എന്നാണു 

എന്റെയും അവരുടെയും വിശ്വാസം ......!

.

ഇനിയൊരുപക്ഷേ 

ഞാൻ ഒരു മനുഷ്യനല്ലായിരിക്കുമോ 

അങ്ങിനെ സംഭവിക്കാൻ ...??? 

.

സുരേഷ്കുമാർ പുഞ്ചയിൽ 

ഞാനും നിങ്ങളും ...!!!

ഞാനും നിങ്ങളും ...!!!  

.
ഞാൻ നന്നായാൽ 

നിങ്ങളും നന്നാകും

ഞാൻ ചീത്തയായാൽ

നിങ്ങളും ചീത്തയാകും

.

അപ്പോൾ പിന്നെ

നിങ്ങളെ നന്നാക്കാൻ

ഞാനങ്ങു നന്നായാൽ പോരെ ..???

.

സുരേഷ്കുമാർ  പുഞ്ചയിൽ

പിന്നിൽ ....!!!

പിന്നിൽ ....!!!  

. 

എനിക്ക് പിന്നിൽ  

ഞാൻ തന്നെയാകുന്നത്  

എനിക്ക് മുന്നിൽ  

ഞാൻ ആകുന്നതിനേക്കാൾ  

നല്ലതെങ്കിൽ  

മുന്നിലാകുന്നതിനേക്കാൾ  

നല്ലതല്ലേ  

പിന്നിലാകുന്നത് ...??? 

. 

സുരേഷ്കുമാർ  പുഞ്ചയിൽ.  

ഇടം ...!!!

ഇടം ...!!!  

.  

കടൽ  കടന്നപ്പോൾ

കര മതിയെന്ന്

കരയെത്തിയപ്പോൾ  

കടൽ വേണമെന്നും ...!

.

കടലിനും

കരയ്ക്കുമിടയിൽ

ഇടം ശൂന്യവും ....!

.

ഇനി ....???

.

സുരേഷ്കുമാർ  പുഞ്ചയിൽ

മുഖം ...!!!

മുഖം ...!!!  

.
ഒരാൾക്ക്‌ 

ആയിരം മുഖങ്ങൾ

ആയിരം പേർക്ക് 

ഒരു മുഖവും ....! 

. 

അപ്പോൾ ഇതിൽ 

ആളേത് 

മുഖമേത് ...???  

.

സുരേഷ്കുമാർ  പുഞ്ചയിൽ

ബാക്കി ...!!!

ബാക്കി ...!!!  

.
പകുത്തു പകുത്ത് 

എല്ലാം പകുത്തു

കൊടുത്തപ്പോഴും

പകുതി

പിന്നെയും ബാക്കി ...!

.

അതിനി എന്ത് ചെയ്യും ...???

.

സുരേഷ്കുമാർ  പുഞ്ചയിൽ

എന്നെ കുറിച്ച് ....!!!

എന്നെ കുറിച്ച് ....!!!  

.
അറിയാത്ത വരോട്  

എന്നെക്കുറിച്ച്

ഒന്നും

പറഞ്ഞിട്ട് കാര്യമില്ലെന്ന് .....!!!

.

അറിയാവുന്നവരോടാകട്ടെ

എന്നെക്കുറിച്ച്

ഒന്നും

പറയണ്ട കാര്യവും ഇല്ലെന്നും ...!!!

.

അപ്പോൾ പിന്നെ

ഞാൻ എന്നെക്കുറിച്ച്

ആരോട് പറയും ...???

.

സുരേഷ്കുമാർ  പുഞ്ചയിൽ

അപ്പുറത്തേക്ക് ...!!!

അപ്പുറത്തേക്ക് ...!!!  

.
രണ്ടടി കൂടി മാത്രം 

മുന്നോട്ടു നടന്നാൽ 

അപ്പുറം കടക്കാം .

.

അപ്പുറം കടക്കാൻ വേണ്ടി മാത്രമാണ് 

താൻ ഇവിടെ വരെ വന്നതും 

ഇത്രയും നേരം കാത്തിരുന്നതും 

.

വഴിയാണെങ്കിൽ 

തനിയ്ക്ക് മാത്രമായി 

തുറന്നിട്ടിരിക്കുകയും 

ചെയ്തിരിക്കുന്നു 

.

ഇനി പുറകോട്ടു പോയാൽ  ...???

.

സുരേഷ്കുമാർ  പുഞ്ചയിൽ 

ആന കുത്താൻ വന്നാൽ ...!!!

ആന കുത്താൻ വന്നാൽ  ...!!!  

.

ആന കുത്താൻ വന്നാൽ    

എന്ത് ചെയ്യും ...?  

.

ഓടും ...! .

.

ഓടാൻ ഇടമില്ലെങ്കിൽ ...???  

.

സുരേഷ്കുമാർ  പുഞ്ചയിൽ  

സമ്മാനം ...!!!

സമ്മാനം ...!!!  

.
സമ്മാനം കിട്ടുന്നതിനേക്കാൾ 

പങ്കെടുക്കുന്നതിലാണ് കാര്യമെന്ന്

ബുദ്ധി ജീവികൾ ...!

.

സമ്മാനം കിട്ടാതെ

പങ്കെടുത്തിട്ടു മാത്രം

എന്ത് കാര്യമെന്ന്

ബുദ്ധിയില്ലാത്ത ഞാനും ...!!!

.

സുരേഷ്കുമാർ  പുഞ്ചയിൽ

എടുത്തും കൊടുത്തും ....!!!

എടുത്തും കൊടുത്തും ....!!!    

.
എടുക്കണമെങ്കിൽ 

കൊടുക്കണം

കൊടുക്കണമെങ്കിൽ

എടുക്കണം ...!

.

കൊടുക്കാതെ എടുത്താൽ

എടുത്തതും കൊടുക്കണം

എടുക്കാതെ കൊടുത്താൽ

കൊടുത്തതും എടുക്കണം ...!

.

എടുത്തു കൊടുക്കുക

കൊടുത്തു എടുക്കുക ...!!!

.

സുരേഷ്കുമാർ  പുഞ്ചയിൽ .

പടികൾ ....!!!

പടികൾ ....!!!

മുകളിലേക്ക് കയറാനും
താഴേയ്ക്കിറങ്ങാനും
ഒരേ പടികൾ തന്നെയാകുമ്പോൾ
മുന്നോട്ടും പുറകോട്ടും
അവയിലൂടെ .. എങ്ങിനെ പോകും ...???

സുരേഷ്കുമാർ  പുഞ്ചയിൽ

മദ്ധ്യേ ....!!!

മദ്ധ്യേ  ....!!!

 

കറുപ്പിനും 

കറുപ്പിനും 

ഇടയില്‍ 

വെളുപ്പ്‌ ...!

 

വെളുപ്പിനും 

വെളുപ്പിനും 

ഇടയില്‍ 

കറുപ്പ് .....!

 

വെളുപ്പിനും 

കറുപ്പിനും 

ഇടയില്‍ ...???

 

സുരേഷ്കുമാര്‍  പുഞ്ചയില്‍ 

ഒരിടം ...!!!

ഒരിടം  ...!!!  

.
നിഴലിനും 

രൂപത്തിനും

ഇടയില്‍

എന്തിനാണ്

മൌനമായി

ഒരിടം ...???

.

സുരേഷ്കുമാര്‍  പുഞ്ചയില്‍

കണ്ണാടി ...!!!

കണ്ണാടി ...!!!

.
നിന്നെ നോക്കുന്നതിനേക്കാള്‍ 

എനിക്കെന്നെ നോക്കുന്നതാണ്

നല്ലതെന്ന് തോന്നുമ്പോള്‍

ഞാന്‍ എന്തിനെന്‍റെ  കണ്ണാടി

മറച്ചു വെക്കണം ...???

.

സുരേഷ്കുമാര്‍  പുഞ്ചയില്‍

തിരിച്ചെത്തുവാന്‍ വേണ്ടി

തിരിച്ചെത്തുവാന്‍ വേണ്ടി
 തിരിഞ്ഞു നടക്കുന്ന
 എന്റെ കണ്ണുകള്‍ക്ക്‌ മുന്നേ
 തീര്‍ച്ചയില്ലാത്തൊരു
 മനസ്സുമായി ഞാനും ....!

സുരേഷ്കുമാര്‍ പുഞ്ചയില്‍

ഭാവം ...!

ഭാവം ...!

അറിയാമെന്നത് എന്റെ ചിന്ത
അറിയില്ലെന്നത് എന്റെ സത്യം
അറിവും ചിന്തയും ഒന്നാകാന്‍
ഇനി വേണ്ടത് തിരിച്ചറിവ് ..!!!

ഇല്ലാതെ പോകുന്നതും ...???

സുരേഷ്കുമാര്‍ പുഞ്ചയില്‍

എനിക്കൊരു ദിവസം ....!!!

എനിക്കൊരു ദിവസം ....!!!

സൂര്യനെ ചുറ്റി വരാന്‍
എനിക്കൊരു ദിവസം വേണം
ആ ദിവസത്തിലെനിക്ക്
പാതി രാത്രി വേണം ...!

ആ രാത്രിയില്‍ എനിക്ക്
സമാധാനമായി ഉറങ്ങേണം
അതും കഴിഞ്ഞുറക്കമുണരാന്‍
എനിക്കൊരു പുലരിവേണം ...!

പുലരിക്കു ശേഷം
കത്തുന്ന പകല്‍ വേണം
പകലിലെനിക്ക് തളരും വരെയും
പാടുപെട്ടു പണിയെടുക്കണം ...!

എല്ലാറ്റിനും എനിക്കെന്റെ
ദിവസം വേണം
ദിവസത്തിന് എനിക്കെന്റെ
സൂര്യനെ വേണം ...!!!

സുരേഷ്കുമാര്‍ പുഞ്ചയില്‍

ബുദ്ധി .....!!!

ബുദ്ധി .....!!!

തലയിലൂടെ ചെവിയും, വായും
പിന്നെ പറ്റിയാല്‍ കണ്ണും മൂക്കും കൂടി മൂടി
ഒരു കെട്ടു കെട്ടണം എന്നാണു കിട്ടിയ ഉപദേശം .
താഴെയുള്ള ദ്വാരങ്ങള്‍ രണ്ടും
എല്ലായ്പോഴും മറയ്ക്കപെടുന്നതിനാല്‍
ശ്രദ്ധിക്കേണ്ടത് ഇവയത്രേ ...!
കാരണം ഉപയോഗമില്ലാത്തതെങ്കിലും
ആകെയുള്ള ഇത്തിരി ബുദ്ധി
ഈ ദ്വാരങ്ങളില്‍ ഏതിലെങ്കിലും കൂടി
നഷ്ട്ടപ്പെട്ടു പോയാലോ ....!

സുരേഷ്കുമാര്‍ പുഞ്ചയില്‍

കൈയകലം ...!!!

കൈയകലം ...!!!

കണ്ണില്‍ ഒരു കല്ലിട്ടു
കൈയ്യെത്താ ദൂരത്തേക്കു
നോക്കെറിഞ്ഞപ്പോള്‍
കല്ല്‌ കൊണ്ടത്‌ നാക്കില്‍ ....!
അപ്പോള്‍ നാക്കെവിടെ
കണ്ണെവിടെ ....???

സുരേഷ്കുമാര്‍ പുഞ്ചയില്‍

ദൂരം ...!!!

ദൂരം ...!!!

കാലില്‍ നിന്ന് ദൂരം
വഴിയിലേക്ക് മാറുമ്പോള്‍
വഴി കാലുകള്‍ക്ക് മേലെ ...!

പിന്നിടുന്നത്
മുന്‍പേ അവശേഷിക്കുന്നതിന്റെ
ബാക്കിയാകുമ്പോള്‍
ആകെ ദൂരം
പിന്നെയും കാലുകളില്‍ ...!

സുരേഷ്കുമാര്‍ പുഞ്ചയില്‍

രൂപങ്ങള്‍ ....!!!

രൂപങ്ങള്‍ ....!!!

പകുതി കീറിയ
മഴത്തുള്ളിയില്‍
മുഖം മറയ്ക്കുന്നത്
ഹൃദയം ....!

മഴ
ഇടയ്ക്ക് തുടങ്ങി
ഇടയ്ക്കു തന്നെ
അവസാനിക്കുമ്പോള്‍
മറ നീക്കി പുറത്തെത്തുന്നു
മുഖം ....!

കീരളിലെ നീറ്റലില്‍
കിനിയുന്ന രക്തം
സ്വയമലിയ്ക്കുന്നു
മഴ ...!

നഷ്ട്ടപെടുന്ന രൂപം
സ്വയം തിരയുന്നു
മുഖം ....!

മഴയില്‍,
തന്നില്‍ തന്നെയും ....!!!

സുരേഷ്കുമാര്‍ പുഞ്ചയില്‍ .

പ്രണയം ...!!!

പ്രണയം ...!!!

സ്നേഹിച്ചു സ്നേഹിച്ച്
നിന്നെ ഞാനൊരു താമരപൂവാക്കും
എന്ന് കാമുകന്‍ പറഞ്ഞപ്പോള്‍
കാമുകി കോള്‍മയിര്‍ കൊണ്ട് ധന്ന്യയായി ...!

താമരപ്പൂക്കള്‍ വൈകുന്നേരങ്ങളില്‍
ഇതളുകള്‍ കൂപ്പി ഉറങ്ങിക്കൊള്ളൂമെന്നും
കുറച്ചു ദിവസങ്ങള്‍ക്കുള്ളില്‍
വാടി കൊഴിഞ്ഞു പോകുമെന്നും മാത്രം
അപ്പോള്‍ അവള്‍ ഓര്‍ക്കാതെ പോയി ...!!!

സുരേഷ്കുമാര്‍ പുഞ്ചയില്‍

നിറമുള്ള വീട് ...!!!

നിറമുള്ള വീട് ...!!!

വാതിലുകള്‍ക്ക്
മഞ്ഞ നിറം കൊടുത്തപ്പോള്‍
ജനലുകള്‍ക്ക് പരിഭവം ..!

മഞ്ഞ നിറം
കൂടുതല്‍ ചേരുക
ജനല്‍ പാളികള്‍ക്കെന്നു
അവയുടെ പരാതി ...!

എങ്കില്‍ പിന്നെ
ചുമരുകള്‍ക്കു
പച്ച നിറവും
വയലറ്റ് നിറവും
ഇട കലര്‍ത്തിയും
നിലത്തിനു വെള്ള നിറവും
ചുറ്റു മതിലുകള്‍ക്ക്
ചുവപ്പ് നിറവും കൊടുത്തപ്പോള്‍
എന്റെ വീടിനു
എന്തൊരു ചന്തം ....!!!

സുരേഷ്കുമാര്‍ പുഞ്ചയില്‍ .