തലതാഴ്ത്തണോ നമ്മൾ ....!!!

തലതാഴ്ത്തണോ നമ്മൾ ....!!!
.
ഓൺലൈൻ മാദ്ധ്യമങ്ങളുടെ ഇരുട്ടിൽ ആരും കാണാതെ മുഖം പൂഴ്ത്തിയിരുന്ന് പിണറായി വിജയന്റെയും നരേന്ദ്ര മോദിയുടെയും എന്തിനേറെ സാക്ഷാൽ അമേരിക്കൻ പ്രസിഡന്റിന്റെ വരെ അച്ഛനും അമ്മയ്ക്കും വിളിക്കാൻ ധൈര്യവും ചങ്കൂറ്റവുമുള്ള ഞാനടക്കമുള്ള വീരപുരുഷന്മാർക്ക് നമ്മുടെ സ്വന്തം കുഞ്ഞുമക്കളെ ക്രൂരമായി കടിച്ചുകീറുന്ന തെരുവുനായ്ക്കളെ ഒന്ന് കല്ലെറിഞ്ഞ് ഓടിക്കാനോ , ചില രാഷ്ട്രീയക്കാരുടെയും ചില ഉദ്യോഗസ്ഥരുടെയും ഒത്താശയോടെ നമ്മുടെ പുതുതലമുറയെ ഒന്നാകെ നശിപ്പിക്കുന്ന അതിമാരകമായ മയക്കുമരുന്നിനെതിരെ ഒന്ന് ഒച്ചയുണ്ടാക്കാനോപോലും കഴിയാത്തതിലോ നമ്മുടെ കുഞ്ഞു പെൺമക്കളുടെ മാനവും ശരീരവും എന്തിന് ജീവൻതന്നെയും സംരക്ഷിക്കാൻ കഴിയാത്തതിലോ ഒക്കെയാണ് ഞാൻ അടക്കമുള്ള നമ്മളോരോരുത്തരും ലജ്ജിച്ച് തല താഴ് ത്തേണ്ടത് . മറ്റുള്ളവരുടെ വാക്കുകേട്ട് ഗണപതിയുടെയും അല്ലാഹുവിന്റെയും യേശുദേവന്റെയുമൊക്കെ മെക്കട്ടുകയറാതെ ഇന്നിന്റെ യാഥാർഥ്യത്തിലൂന്നി നാളെയിലേക്ക് തലയുയർത്തി നടക്കാൻ കഴിയട്ടെ നമുക്കോരോരുത്തർക്കും ...!!!
.
സുരേഷ്‌കുമാർ പുഞ്ചയിൽ