ഒറ്റ മരം ....!!!
.
ഒറ്റ മരം
അതുമാത്രം വേറിട്ട്
തണൽമരക്കൂട്ടങ്ങൾക്കിടയിൽനിന്നും
പച്ചപ്പടർപ്പുകൾക്കിടയിൽനിന്നും
താഴ്വാരത്തിൽനിന്നും
മാറി,
തനിച്ച്, തനിച്ച് ...!
.
നിലാവിന്റെ
മറയും
വെയിലിന്റെ
നിഴലും
കാറ്റിന്റെ
ഉത്സാഹവും
മഞ്ഞിന്റെ
മണവും പേറി ....!
.
ഒരിക്കൽ മാത്രം
കടന്നെത്തുന്ന
മഴുവിന്റെ
മൂര്ച്ചയുള്ള
വായ്തിളക്കത്തിനു
കാതോർത്ത് ...!
.
ഒറ്റ മരം ....!!!
.
സുരേഷ്കുമാർ പുഞ്ചയിൽ
3 comments:
നിബിഢവനങ്ങളിലും മരങ്ങള് ഒറ്റയായിപ്പോകുന്നു!
വേറിട്ടുനിൽക്കുന്ന ശബ്ദങ്ങൾ, വേറിട്ട പാതകളിലൂടെ നീങ്ങുന്ന കാൽപ്പാടുകൾ എന്നിവയെയൊക്കെ ഒറ്റപ്പെടുത്താം, അവയെ നശിപ്പിക്കുവാനും പ്രയാസമില്ല. പക്ഷേ വേറിട്ടുനിൽക്കുന്ന മരങ്ങൾ മാത്രമേ തണലിനു കൂടുതൽ കുളിർമ നൽകിയിട്ടുള്ളൂ.
ഒറ്റ മരങ്ങളെവിടേയും
നോട്ടപ്പുള്ളിയാണ്.....
ആശംസകള്
Post a Comment