സ്വപ്നം ...!!!

സ്വപ്നം ...!!!
.
സ്വപ്‌നങ്ങള്‍ കാണണമെന്ന്
വല്ലാത്ത മോഹം .
സ്വപ്‌നങ്ങള്‍ എനിക്ക്
വല്ലാത്തൊരു ലഹരിയുമാകയാല്‍. .......!
.
സത്യമാണ്
സ്വപ്നതെക്കാള്‍ വലുതെന്നും
സ്വപ്നം കാണുന്നതിനെക്കാള്‍
സത്യത്തില്‍ ജീവിക്കുന്നതാണ്
ഉത്തമമെന്നും വിദഗ്ദ മതം ...!
.
എങ്കിലും സത്യത്തെക്കാള്‍
എനിക്കിഷ്ട്ടം സ്വപ്നമാകുന്നു
കാരണം
സ്വപ്നങ്ങള്‍ക്ക് ഭാരമില്ല
വേദനകളും ദുരിതങ്ങളുമില്ല ....!
.
പക്ഷെ,
മോഹിച്ചു മോഹിച്ചു
സ്വപ്നം കാണാന്‍ ഇരുന്നപ്പോള്‍
സ്വപ്നവും ഇല്ല സത്യവും ഇല്ല
ഇനിയെന്ത് ചെയ്യും ...???
.
സുരേഷ്കുമാര്‍ പുഞ്ചയില്‍.

ജനനം ...!!!

ജനനം ...!!!
.
കണ്ണിലെ കത്തുന്ന തീ കൊണ്ട്
സ്വ ദേഹം എരിച്ചു കളഞ്ഞിട്ടു
ആത്മാവും കയ്യില്‍ വെച്ച്
ജന്മങ്ങള്‍ തോറും അലഞ്ഞിട്ടു
ദേഹത്തിനും ദേഹിക്കും എന്ത് കാര്യം ...???
.
സുരേഷ്കുമാര്‍ പുഞ്ചയില്‍

അകലുന്ന അടുപ്പം ...!!!

അകലുന്ന അടുപ്പം ...!!!
.
അകലം
കൂടും തോറും
അടുപ്പം കൂടുന്നു
അടുപ്പം
കൂടും തോറും
അകലാനുള്ള
സാധ്യതയും ...!
.
അപ്പോള്‍
അകലമാണോ
അടുപ്പമാണോ
കുഴപ്പക്കാര്‍ ...???

സുരേഷ്കുമാര്‍ പുഞ്ചയില്‍.

ദൂരം ...!!!.

ദൂരം ...!!!.
.
കാലത്തേ എണീറ്റ്‌
കണ്ണ് തുറന്നു
നോക്കിയപ്പോള്‍
സൂര്യന്‍
കിഴക്കായിരുന്നു ...!
.
പിന്നെ
കുറച്ചു കഴിഞ്ഞ്
ഒന്ന് കൂടി
തുറന്നു നോക്കിയപ്പോള്‍
സൂര്യന്‍
പടിഞ്ഞാറെത്തിയിരുന്നു....!
.
അങ്ങിനെയെങ്കില്‍
സൂര്യന്
കിഴക്ക് നിന്നും
പടിഞ്ഞാട്ടെക്കുള്ള
ദൂരമെത്രയായിരിക്കും ....???
.
സുരേഷ്കുമാര്‍ പുഞ്ചയില്‍ .

ഉത്തരം ...!!!

ഉത്തരം ...!!!

രണ്ടു കൂട്ടി ഒന്ന് കുറച്ച്
മൂന്നു കൊണ്ട് ഹരിച്ച്‌
നാലു കൊണ്ട് ഗുണിച്ച്‌
അഞ്ചിലെതുമ്പോള്‍ ,
തുടങ്ങിയതെവിടെ നിന്നെന്ന്
അറിയില്ലെങ്കില്‍
എങ്ങിനെ പിന്നെ
ഉത്തരം കരുതി വെക്കും ....???

സുരേഷ്കുമാര്‍ പുഞ്ചയില്‍

തല ...!!!

തല ...!!!

തനിക്കു രണ്ടു തല
ഉണ്ടായിരുന്നെങ്കില്‍
ഒരെണ്ണം എപ്പോഴെ
അടിച്ചു പോട്ടിച്ചേനെ
എന്ന് ഭാര്യയുടെ ഭീഷണി ...!

എനിക്ക് സ്വന്തമായി
ഒരു തല ഉണ്ടെങ്കിലും
അതിനകത്ത് ഒന്നും
ഇല്ലാത്തത് കൊണ്ട്
എന്റെ തലയങ്ങു
തല്ലി പൊളിച്ചാലും
പ്രയോച്നജമില്ലെന്നു
ഞാനും .....!!!

സുരേഷ്കുമാര്‍ പുഞ്ചയില്‍

ധൈര്യം ...!!!

ധൈര്യം ...!!!

ഒരു കത്തിയും
രണ്ടു പടക്കവും ഉണ്ടെങ്കില്‍
ആര്‍ക്കും ഈ നാട് വിറപ്പിക്കാം

മനസ്സില്‍ ഇത്തിരി
ധൈര്യം മാത്രമുണ്ടെങ്കില്‍
എനിക്കും ...!!!

സുരേഷ്കുമാര്‍ പുഞ്ചയില്‍

സ്വപ്‌നങ്ങള്‍ ...!!!

സ്വപ്‌നങ്ങള്‍ ...!!!

പകലാണെന്നു കരുതി
ഞാന്‍ കണ്ടത്
രാത്രി സ്വപ്‌നങ്ങള്‍ ....!

പകലിലെ
സ്വപ്നങ്ങളൊക്കെയും
രാത്രിയില്‍ കണ്ടു തീര്‍ത്താല്‍
സ്വപ്നങ്ങളില്ലാത്ത
പകല്‍ കൊണ്ട്
രാത്രിയ്ക്കെന്തു കാര്യം ...???

സുരേഷ്കുമാര്‍ പുഞ്ചയില്‍

വേദനിക്കുന്ന പല്ല് ...!!!

വേദനിക്കുന്ന പല്ല് ...!!!

മോളെയും കൊണ്ട് അവളുടെ പല്ല് പറിപ്പിക്കാനാണ് ഞാന്‍ ആശുപത്രിയില്‍ എത്തിയത്. പരിചയമുള്ള ഡോക്ടറും സ്റ്റാഫും ഒക്കെ ആയതിനാല്‍ നല്ല തിരക്കുണ്ടായിരുന്നെങ്കിലും എനിക്ക് വരിയില്‍ നില്‍ക്കാതെ അടുത്ത അവസരത്തില്‍ തന്നെ അകത്തു കയറാം എന്നായി. അങ്ങിനെ അടുത്ത ഊഴത്തിനായി കാത്തുകൊണ്ട് ഞാന്‍ വാതിലിനു പുറത്തു മോളെയും എടുത്തുകൊണ്ടു തന്നെ നില്‍ക്കാന്‍ തുടങ്ങി.

അകത്തു നല്ല തിരക്കുണ്ടായിരുന്നു. പുറത്ത് ഒരു മഴയ്ക്കുള്ള കോളും . കാറ്റ് പക്ഷെ അപ്പോള്‍ വീശിയിരുന്നത് അത് മറ്റു ആരെയും അറിയിക്കാതെ വളരെ നിശബ്ദമായിട്ടായിരുന്നു. മഴ വരുന്നു എന്ന് ആരുമറിയേണ്ട എന്ന് കരുതിക്കാണണം പ്രകൃതിയപ്പോള്‍.. . .. എന്നാലും കുളിരില്‍ അകത്തെ ശീതീകരണി യന്ത്രം പോലും കുറേശ്ശെ വിറയ്ക്കാന്‍ തുടങ്ങിയിരുന്നു അപ്പോള്‍

ചുറ്റുവട്ടത്തെ കാഴ്ചകള്‍ കണ്ടു, മോളോട് കിന്നാരവും പറഞ്ഞു അവളുടെ കഥകളും കേട്ട് ഞാന്‍ അങ്ങിനെ നില്‍ക്കുമ്പോള്‍ വളരെ പെട്ടെന്നാണ് ഞങ്ങളെ തട്ടിമാറ്റി ഒന്നിനും കാത്തു നില്‍ക്കാതെ ഒരു വൃദ്ധന്‍ വേദനിക്കുന്ന പല്ലും പൊത്തിപ്പിടിച്ചു കൊണ്ട് ആ ഡോക്ടറുടെ റൂമിലേക്ക്‌ ഇടിച്ചു കയറിയത്. അകത്തു രോഗിയെ പരിശോധിക്കുന്ന ഡോക്ടര്‍ പോലും അത്ഭുതപ്പെട്ടുകൊണ്ടെങ്കിലും അയാളെ നിവൃത്തികേടുകൊണ്ട് പുറത്തുവിടാതെ അകത്തു തന്നെ ഇരുത്തി.

ഇനി അയാള്‍ കൂടി പുറത്തു വന്നെ എനിക്ക് കയറാന്‍ പറ്റു എന്നതിനാല്‍ ഞാന്‍ അടുത്തുള്ള ഒരു കസേര തപ്പി അതില്‍ മോളെയും മടിയില്‍ വെച്ച് മെല്ലെ ഇരിപ്പുറപ്പിച്ചു . ഞങ്ങളെ മറികടന്നു അയാള്‍ അകത്തു കടന്നത്‌ മോള്‍ക്ക്‌ ഇഷ്ട്ടമായില്ലെങ്കിലും ഞങ്ങളും വരി തെറ്റിച്ചുകൊണ്ട് തന്നെയാണല്ലോ നില്‍ക്കുന്നത് എന്ന ബോധം എന്നെ മറുത്തൊന്നും ചിന്തിക്കുന്നതില്‍ നിന്ന് പോലും പിന്തിരിപ്പിച്ചു.

ഞങ്ങള്‍ ഇരിക്കുന്നതിനടുത്തു അപ്പോഴേക്കും വന്നിരുന്ന ഒരു കുടുംബതിലായി അപ്പോള്‍ ഞങ്ങളുടെയും ശ്രദ്ധ. ഒരു അച്ഛനും അമ്മയും അഞ്ചു കുട്ടികളും അടങ്ങുന്ന ആ കുടുംബത്തില്‍ കുട്ടികളെല്ലാം നന്നേ ചെറുതുകളായിരുന്നു എന്നത് തന്നെയായിരുന്നു ഏറെ അകര്‍ഷണീയവും . നന്നേ ചെറിയ ആ കുട്ടികളെയും കൊണ്ട് ആ അച്ഛനും അമ്മയും ഏറെ പണിപ്പെടുന്നുണ്ടായിരുന്നു താനും. ഇത്രയേറെ കുട്ടികളെ എങ്ങിനെ നന്നായി നോക്കാനാകും എന്നതായിരുന്നു അവിടെ ഉണ്ടായിരുന്ന പലരുടെയും മുഖഭാവം അപ്പോള്‍..

ആ കുട്ടികളുടെ കളിയും ചിരിയും കരച്ചിലും വാശിപിടിക്കലും കണ്ടു നേരം പോയതും അകത്തേക്ക് പോയ ആദ്യത്തെ രോഗി പുറത്തേക്കു പോയത് ഞങ്ങള്‍ അറിഞ്ഞതേയില്ല കുറച്ചു കഴിഞ്ഞപ്പോള്‍ പോയതിനെക്കാള്‍ വേഗത്തില്‍ പുറത്തേക്കു പോകുന്ന ആ വൃദ്ധനെ കണ്ടാണ്‌ ഞങ്ങള്‍ ഞങ്ങളുടെ ഊഴമായതറിഞ്ഞ് അകത്തേക്ക് കടന്നത്‌.

ഡോക്ടറെ കണ്ടു കുശലാന്വേഷണങ്ങള്‍ക്ക് ശേഷം അദ്ദേഹം മോളെ ഇരുത്തി മെല്ലെ അവളുടെ പല്ല് പറി ക്കാനുള്ള ശ്രമം തുടങ്ങി. അവരെയെല്ലാം നന്നായി അറിയാമായിരുന്നിട്ടും അവള്‍ അല്‍പ്പം അസ്വസ്തതയോടെയായിരുന്നു അപ്പോള്‍ ഇരുന്നു കൊടുത്തത്. എങ്കിലും അസ്വസിപ്പിച്ചുകൊണ്ട്‌ കൂടെ നിന്ന ഞാന്‍ അവര്‍ക്കും അവള്‍ക്കും ബുധിമുട്ടുണ്ടാക്കാതെ കാര്യം വേഗത്തില്‍ നടത്തിചെടുത്തു.

പല്ല് പറിച്ചെടുത്ത് പിന്നെ മരുന്ന് കുറിക്കുംപോഴാണ് വീണ്ടും ഞങ്ങളെ ഞെട്ടിച്ചു കൊണ്ട് ആ വൃദ്ധന്‍ പിന്നെയും കടന്നു വന്നത്. അപ്പോഴും വേദനകൊണ്ട് അയാള്‍ നിലവിളിക്കുന്നുണ്ടായിരുന്നു. വന്നപാടെ ആരെയും ശ്രദ്ധിക്കാതെ പല്ല് പറിക്കാനുള്ള സ്ഥലത്തേക്ക് കയറി ഇരുന്ന അയാള്‍ നിലവിളിക്കും പോലെ ഉച്ചത്തില്‍ പറഞ്ഞു. ഡോക്ടര്‍ നേരത്തെ പറി ച്ചതല്ല വേദനിക്കുന്ന പല്ല്, അത് ഇപ്പോഴും വായില്‍ തന്നെയുണ്ടെന്ന് ....!!!

സുരേഷ്കുമാര്‍ പുഞ്ചയില്‍

വഴി .....!!!

വഴി ...!!!

അകത്തേക്ക് പോകുമ്പോള്‍
പുറത്തേക്കുള്ള വഴിയും
പുറത്തേക്കു പോകുമ്പോള്‍
അകത്തേയ്ക്കുള്ള വഴിയും
കാണാതെ പഠിചില്ലെങ്കിലും
കാണുമ്പോള്‍ അറിയുമെന്നുള്ള
അവസ്ഥയിലെങ്കിലും
എത്തുകയെന്നത് യാത്രയ്ക്ക് മുന്‍പേ
യാത്രികന്‍ അറിയേണ്ട സത്യം .

എന്നിട്ടും
പുറത്തേക്കും
അകത്തേക്കും
തിരിച്ചും മറിച്ചുമുള്ള
വഴികള്‍ അറിയില്ലെങ്കിലും
പോകാനായി മുന്നിലുള്ള വഴിയെങ്കിലും
അറിയാതെങ്ങിനെ യാത്ര തുടങ്ങും ...???

സുരേഷ്കുമാര്‍ പുഞ്ചയില്‍

കാഴ്ച ...!

കാഴ്ച ...!

വലുതായി കാണാന്‍
വലിയ കാഴ്ചകള്‍ കാണാന്‍
കണ്ണുകള്‍ വലുതല്ല
കാഴ്ചകള്‍ വലുതാകണമെന്ന് ....!

വലുതായി കണ്ടാലും
വലിപ്പം കാണാന്‍
വലിയ കാഴ്ച മാത്രമല്ല
ചെറുതെങ്കിലും നല്ലൊരു
മനസ്സും വേണമെന്നും ....!

സുരേഷ്കുമാര്‍ പുഞ്ചയില്‍

വിധി ....!!!

വിധി ....!!!

വിധി ഒരു വല്ലാത്ത വസ്തുവാണ് . വസ്തു എന്ന് ഇപ്പോള്‍ ഉറപ്പിച്ചു പറയാം. കാരണം, അതിനെ വസ്തു എന്നതിന്റെ നിര്‍വചനത്തിലാണ് ശാസ്ത്രലോകവും ആഗ്രഹിക്കുന്നത് എന്ന് തോന്നുന്നു. വിധി എന്നതുകൊണ്ട്‌ ഞാന്‍ ഉദ്ദ്യേശിച്ചത് നിരാശയില്‍ നിന്ന്മ രക്ഷപ്പെടാന്‍ മനുഷ്യന്‍ എപ്പോഴും ആശ്വാസത്തോടെ പഴിക്കുന്ന "വിധി" അല്ല, ന്യായാധിപന്മാര്‍ വിധിക്കുന്ന ആധികാരികമായ വിധി. ഒരിക്കലും ഒരാളെയും തൃപ്തിപ്പെടുതാത്ത ഒരു അത്ഭുത പ്രതിഭാസം. ആരുടെയെങ്കിലും അല്ലാതെ ചിലപ്പോള്‍ എല്ലാവരുടെയും തന്നെ കണ്ണുനീര്‍ വീഴാതെ ഒരിക്കലും പിരിയാത്ത ഒരപൂര്‍വ വസ്തു.

ജയിച്ചാലും തൃപ്തിയാകാതെ, തോറ്റാലും അടിയറവു പറയാതെ എതിരാളിക്കുമേല്‍ അധീശത്വത്തിനു പിന്നെയും അവസരങ്ങള്‍ തുറന്നിട്ട്‌ പോരാട്ടത്തിനു വാതിലുകള്‍ തുറന്നിട്ട്‌ അതങ്ങിനെ മാറി നിന്ന് പുഞ്ചിരിച്ചു കൊണ്ടേയിരിക്കും എപ്പോഴും. മുട്ടനാടുകളെ തമ്മില്‍ കൂട്ടിയിടിപ്പിച്ചു ചോരകുടിക്കാന്‍ ഇറങ്ങിയ ചെന്നായയെ പോലെ. പക്ഷെ അവിടെയും ഈ ചെന്നായ, ആ മുട്ടനാടുകള്‍ക്കിടയില്‍ കിടന്നു ഇടി കൊള്ളാതെ നോക്കുന്ന വിരുതനുമാകുന്നു എപ്പോഴും. അതാണ്‌ "വിധി" . ന്യായത്തിനും അന്യായത്തിനും ഇടയില്‍ മനുഷ്യരെ മിധ്യയുടെയും സത്യത്തിന്റെയും നിര്‍വ്വചനങ്ങള്‍ തിരിച്ചറിയാനാകാതെ കുഴപ്പിച്ചുകൊണ്ടു മനസ്സിനെ തീര്‍ത്തും വന്ന്യവും ഭ്രാന്തവും ആയ ഒരു ലോകത്തിലേക്ക്‌ ആനയിക്കുന്ന മഹാ പ്രതിഭ.....!!!!

സുരേഷ്കുമാര്‍ പുഞ്ചയില്‍

വ്യഭിചാരം ....!!!

വ്യഭിചാരം ....!!!

വ്യഭിച്ചരിക്കുന്നവള്‍
അല്ലെങ്കില്‍
വ്യഭിച്ചരിക്കുന്നവന്‍
എന്തിനു
മനസ്സിനെക്കുറിച്ച്
വ്യാകുലപ്പെടണം

വ്യഭിചരിക്കുമ്പോള്‍
ശരീരം മാത്രമല്ല
മനസ്സും
വ്യഭിച്ചരിക്കപെടുന്നു ...!

സുരേഷ്കുമാര്‍ പുഞ്ചയില്‍

നല്ലത് ...!!!

നല്ലത് ...!!!

നാളെ കിട്ടുന്ന
കോഴിയേക്കാള്‍
ഇന്ന് കിട്ടുന്ന
മുട്ടയാണ്‌
നല്ലതെന്ന്
പഴ മൊഴി ...!

പത്രം പറഞ്ഞു തന്ന
ഈ അറിവില്‍
ഞാന്‍ കാത്തിരിക്കവേ
എനിക്ക് കിട്ടിയത്
കോഴിയും ....!

അപ്പോള്‍
മുട്ടയാണോ
കോഴിയാണോ
നല്ലത് ...???

സുരേഷ്കുമാര്‍ പുഞ്ചയില്‍

തീ ...!!!

തീ ...!!!

ഒരു പെമാരിക്ക് പോലും
തണുപ്പിക്കാനാകാത്ത
ചൂടുമായി മനസ്സ് പൊള്ളവേ
ഈ ഒരിറ്റു നീര്‍കൊണ്ട്
എന്ത് ചെയ്യാനെന്നു
വ്യാകുലപ്പെടാതെ
ആ നീര്‍കണം
ശിരസ്സില്‍ തന്നെ വാങ്ങി
പിന്നെ ആ നീര്‍തുള്ളിയുടെ
കുളിര്‌ ദേഹത്തിലെക്കാവാഹിച്ചു
മനസ്സും തണുപ്പിക്കാനുള്ള
ഒരു പാഴ്ശ്രമമെങ്കിലും
എന്തിനു വെറുതേ ....!

കത്തുന്ന ചൂടില്‍
മനസ്സും ശരീരവും
ആളിക്കാന്‍ വിട്ടാല്‍
ആ തീയില്‍
കത്തിയമര്‍ന്നു
പിന്നെയുള്ള ജീവിതം
സ്വസ്തമാകുമെങ്കില്‍ .. ???

സുരേഷ്കുമാര്‍ പുഞ്ചയില്‍.

കണ്ടുമുട്ടല്‍ ...!!!

കണ്ടുമുട്ടല്‍ ...!!!

കാണുന്നതിനു മുന്‍പ്
എങ്ങിനെയെങ്കിലും ഒന്ന്
കാണണം എന്നായി
കാത്തു കാത്തിരുന്ന്
കണ്ടുമുട്ടിയപ്പോള്‍
ഇനിയെന്ന് കാണുമെന്നായി
കണ്ടിട്ട് പിന്നെ
കണാതിരിക്കുമ്പോള്‍
എപ്പോഴും കാണണം എന്നായി
എപ്പോഴും കാണാന്‍ തുടങ്ങിയപ്പോള്‍
കാഴ്ച്ചയുടെ സുഖം ഇല്ലാതായി
പിന്നെ പിന്നെ കാണല്‍ കുറവായി
പിന്നെ കാണുമ്പോള്‍ എല്ലാം
വഴക്കും വയ്യാവേലിയുമായി
ഒടുവില്‍ ഇനി ഒരിക്കലും
കാണേണ്ട എന്നായി .....!
അപ്പോള്‍ പിന്നെ
എന്തിനായിരുന്നു ആ കണ്ടുമുട്ടല്‍ ...???

സുരേഷ്കുമാര്‍ പുഞ്ചയില്‍

വട്ടം ...!!!

വട്ടം ...!!!

നിറുത്തുന്നേടത്തു നിന്നും
തുടങ്ങി എത്തുന്നേടത്ത്
അവസാനിപ്പിച്ച്
എത്തിയേടത്ത് നിന്നും
പിന്നെയും തുടങ്ങാന്‍
തുടക്കവും ഒടുക്കവും
ഇല്ലാത്ത വട്ടം പോലെ
നട്ടം തിരിയുന്നേടത്
തുടക്കവും പിന്നെ
ഒടുക്കവും കണ്ടെത്താന്‍
ഇനിയെന്ത് വഴി ...???

സുരേഷ്കുമാര്‍ പുഞ്ചയില്‍.

പകരം ...!!!

പകരം ...!!!

അവനു പകരമായി
എന്നെ അവന്‍
ഉപയോഗിക്കുമ്പോള്‍
ഞാന്‍ അവനു
പകരക്കാരനാകുന്നു...!

ഞാന്‍ അവനു
പകരമാകില്ലെങ്കിലും
അവന്‍ അങ്ങിനെ കരുതുന്നത്
അവനു പകരമായി
എനിക്ക് നില്ക്കാന്‍ കഴിയുമെന്നു
അവനു തോന്നുന്നത് കൊണ്ട് മാത്രവും ...!

എങ്കിലും
അവനു പകരമായി
ഞാന്‍ നില്‍ക്കുമ്പോള്‍
അവന്‍ അവന്‍ തന്നെയും
ഞാന്‍ ഞാന്‍ തന്നെയും
അല്ലാതെയുമാകുന്നില്ലെന്നു
അവനും
ഞാനും തിരിച്ചറിയുന്നുമില്ല ....!!!

സുരേഷ്കുമാര്‍ പുഞ്ചയില്‍

ബുദ്ധി ...!!!

ബുദ്ധി ...!!!

വാലില്‍ കത്തിക്കുമ്പോള്‍
തലയില്‍ നോവുമെന്നത്
വാലില്‍ കത്തിക്കാതെയും
അറിയാനാകുന്നത്
വിഡ്ഢിത്തം അല്ലെങ്കില്‍
പിന്നെ എന്താകും .... ??

വാല് കത്തിയാലും
തല കത്തില്ലെന്നത്
ആശ്വാസമായി കാണുന്നത്
അതി ബുദ്ധി യാകുമ്പോള്‍ ...!!!

സുരേഷ്കുമാര്‍ പുഞ്ചയില്‍. .,

വേട്ട ...!!!

വേട്ട ...!!!

ഇരയായ എന്നെ
തിരഞ്ഞു തിരഞ്ഞു
കണ്ടു പിടിക്കാന്‍
കഴിയുന്ന
എന്റെ വേട്ടക്കാരനെ
ഞാന്‍ തിരിച്ചു
തിരയുകയാണ് ഇപ്പോള്‍.

തിരഞ്ഞു മടുപ്പിക്കാതെ
വേട്ടക്കാരന്റെ മുന്‍പിലേക്ക്
നടന്നു ചെല്ലുമ്പോള്‍
എനിക്കും എളുപ്പം,
എന്റെ വേട്ടക്കാരനും ...!!!

സുരേഷ്കുമാര്‍ പുഞ്ചയില്‍.